እኔ ምን አውቃለሁ
አያ እረገጤ ካሳ ይደፈጥጠኛል ሲወጣ ሲገባ
ለጥበቃ ብለን በሰጠነው ቦቲ ባለበስነው ካባ
እኔ ምን አውቃለሁ
ለስኩዋር ተሰለፍ
ለዘይት ተሰለፍ
ለዱቄት ተሰልፍ
ለውሸት ሰልፍ ውጣ
ሲያሻው ገንዘብ አምጣ
ይለኛል እረገጤ የሰፈር ጡንቻማው
ደስ ያላለውን ሰው በቴራ 'ሚያስተኛው
እኔ ምን አውቃለሁ
ወንድነቴ ከድቶኝ ይፈታተነኛል
እርገጤ ሲመጣ ሽንቴ ያመልጠኛል
እኔ ምን አውቃለሁ
የመንደር ሰው ሁሉ አንገት የደፋለት
ያ አያ እርገጤ ካሳ አዚም እንዳለበት!
እኔ ምን አውቃለሁ
እግዜር በጥበቡ እርገጤን ካልሻረው
ወይም ደብተራውን ከስር ካልነቀለው
እኔ ምን አውቃለሁ
ነገም ሌላ ቀን ነው
ይልቅስ ፈጣሪ
የድፍጣጬን ጎልበት እርገጤን በእርግጫ ብየው እንድመጣ
ሚስኮል አድርግልኝ ሽርፍራፊ ሰከንድ ስትቀርህ ልትመጣ
No comments:
Post a Comment